26 декабря 2024

Шығыс Қазақстан университеті Diploma Supplement қосымшасын алуға өтінімдер қабылдау басталғанын хабарлайды

ҚҰРМЕТТІ 2025 ЖЫЛҒЫ ТҮЛЕК! DIPLOMA SUPPLEMENT ҚОСЫМШАСЫН АЛУҒА ӨТІНІМ БЕРІҢІЗ

Құрметті бітіруші курс студенттері! Сәрсен Аманжолов атындағы Шығыс Қазақстан университеті Diploma Supplement қосымшасын алуға өтінімдер қабылдау басталғанын хабарлайды.
Diploma Supplement дегеніміз не?
Бұл құжат негізгі дипломмен қатар бітірушіге ағылшын тілінде тегін беріледі.
Мақсаты – халықаралық мөлдірлікті арттыру және академиялық, кәсіби біліктілікті әділ тануға қажетті тәуелсіз ақпарат ұсыну.
Diploma Supplement 8 бөлімнен тұрады:
1. Біліктілік иесін анықтайтын ақпарат.
2. Біліктілікті анықтайтын ақпарат.
3. Біліктіліктің деңгейі мен ұзақтығы туралы ақпарат.
4. Бағдарлама мен алынған нәтижелер туралы ақпарат.
5. Біліктіліктің қызметі туралы ақпарат.
6. Қосымша ақпарат.
7. Қосымшаны сертификаттау.
8. Жоғары білімнің ұлттық жүйесі туралы ақпарат.
Бұл құжат Еуропалық жоғары білім кеңістігінің (ЕЖБК) маңызды бөлігі болып табылады және Қазақстанның 1997 жылғы Лиссабон конвенциясы шеңберінде және Болон процесінің параметрлерін іске асыру аясындағы міндеттемелерін орындауға ықпал етеді.
Diploma Supplement не үшін қажет?
• Сіздің біліктілігіңізді шетелде мойындауды жеңілдетеді.
• Шетелде оқу немесе халықаралық компанияларда жұмысқа орналасу кезінде көмектеседі.
Қалай өтінім беруге болады?
Оқып жатқан Жоғары мектебіңіздің деканатына барып, Diploma Supplement алуға өтінім толтырыңыз. Өтінімдер 2025 жылғы 1 мамырға дейін қабылданады.
Дипломыңызды халықаралық деңгейде танылатын және құнды ететін мүмкіндікті жіберіп алмаңыз!