AMANZHOLOV UNIVERSITY-ДЕ ҚАШЫҚТАН ОҚЫТУҒА АРНАЛҒАН ТИІМДІ ШЕШІМДЕР ТАЛҚЫЛАНДЫ

Сәрсен Аманжолов атындағы Шығыс Қазақстан университеті Педагогика жоғары мектебінің әдістемелік апталығы аясында «Бейне конференция платформалары: қолданудың артықшылықтары мен кемшіліктері» тақырыбында оқытушыларға арналған семинар өтті.

Іс-шараның спикері психология және коррекциялық педагогика кафедрасының сениор-лекторы Ю.Е. Кукина болды.

Семинар барысында онлайн өзара әрекеттестікті ұйымдастыруға арналған заманауи цифрлық платформалардың мүмкіндіктері мен қолдану ерекшеліктері жан-жақты қарастырылды. Атап айтқанда, Zoom, Microsoft Teams және Google Meet платформаларының функционалдық мүмкіндіктеріне тоқталынды.

Қатысушылар білім беру үдерісі тұрғысынан аталған платформалардың артықшылықтары мен шектеулерін салыстырмалы түрде талқылады. Әсіресе интерфейстің қолайлылығы, байланыс тұрақтылығы, интерактивті оқытуды ұйымдастыру мүмкіндіктері, сондай-ақ студенттердің қатысуын бақылау мен белсенділігін арттыруға арналған құралдар мәселелеріне ерекше назар аударылды.

Семинардың практикалық бөлігінде оқытушылар оқу үдерісінде цифрлық сервистерді қолдану тәжірибесімен бөлісіп, кездесетін қиындықтарды талқылап, онлайн сабақтарды ұйымдастырудың тиімді тәсілдерін анықтады.

Белсенді пікір алмасу барысында білім беру сапасын арттыруға ықпал ететін тиімді платформаларды таңдаудың негізгі критерийлері де белгіленді.

Мұндай іс-шаралар оқытушылардың цифрлық құзыреттілігін дамытуға және жоғары білім беру жүйесін цифрландыру жағдайында білім беру ортасын жетілдіруге маңызды үлес қосады.