СӘРСЕН АМАНЖОЛОВ АТЫНДАҒЫ ШҚУ СТУДЕНТТЕРІ БОС ЖҰМЫС ОРЫНДАРЫ ЖӘРМЕҢКЕСІНДЕ

Сәрсен Аманжолов атындағы Шығыс Қазақстан университеті бітіруші курс студенттері Өскемен қаласының мансап орталығы ұйымдастырған бос жұмыс орындары жәрмеңкесіне қатысты.

Іс-шара аймақтың жұмыс іздеушілері мен жұмыс берушілері арасында тиімді байланыс алаңына айналды. Жәрмеңке барысында студенттер өзекті бос орындармен, жұмысқа орналасу шарттарымен және жұмыс берушілердің талаптарымен танысты. Сонымен қатар, олар жұмыспен қамту және мансап құру мәселелері бойынша кеңес алды.

Қатысушылар ұйым өкілдерімен тікелей тілдесіп, мансаптық мүмкіндіктер мен жас мамандарға қойылатын талаптар туралы толық ақпарат алды. Осындай іс-шаралар студенттердің кәсіби бағдарын айқындауға көмектесіп, болашақ мансаптық жолын сенімді жоспарлауға мүмкіндік береді.