АМАНЖОЛОВ УНИВЕРСИТЕТІНІҢ СТУДЕНТТЕРІ ТМД ЕЛДЕРІНІҢ ҮЗДІК ЖАСТАРЫ ҚАТАРЫНАН КӨРІНДІ

Астана қаласында ТМД елдерінің жоғары оқу орындары студенттері арасында ұйымдастырылған беделді байқаудың жеңімпаздарын салтанатты марапаттау рәсімі өтті. Іріктеу кезеңдерінен сәтті өткен дарынды жастардың қатарында Аманжолов университетінің студенттері де болды.

Бұл жетістік – білім алушылардың қажырлы еңбегі мен университет ұжымының сапалы білім беру бағытындағы жүйелі жұмысының жарқын нәтижесі. Марапаттау рәсіміне ТМД мемлекеттерінен келген көптеген студенттер қатысып, өз жетістіктерін ортаға салды. Осындай беделді алаңда Аманжолов университетінің атын абыроймен таныстыру – үлкен мақтаныш.

Университет студенттеріне жан-жақты қолдау көрсетіп, олардың ғылыми, шығармашылық және кәсіби тұрғыдан дамуына мүмкіндік жасап отырған оқу орнының басшылығына ерекше алғыс білдіреміз. Сондай-ақ білім сапасын жоғары деңгейде қамтамасыз етіп, студенттердің халықаралық деңгейде бәсекеге қабілетті болуына үлес қосып жүрген профессор-оқытушылар құрамының еңбегі зор.

Марапаттау рәсімінде Аманжолов университетінің студенттері сахна төрінен көрініп, жоғары марапаттарға ие болған сәтте университетімізге деген мақтаныш сезімі ерекше байқалды. Бұл жетістік – бүкіл университет қауымдастығының ортақ жеңісі.

Аманжолов университеті талантты жастарды қолдау мен сапалы білім беру жолындағы өз миссиясын табысты жалғастырып келеді. Біз студенттеріміздің жаңа белестерді бағындырып, халықаралық деңгейдегі жетістіктерімен университетіміздің мерейін асыра беретініне сенімдіміз.