ГЛУБОКОЕ АУДАНЫНДА AMANZHOLOV UNIVERSITY-ДІҢ КӘСІБИ БАҒДАР БЕРУ КЕЗДЕСУІ ӨТТІ

Сәрсен Аманжолов атындағы Шығыс Қазақстан университетінің өкілдері Шығыс Қазақстан облысының Глубокое ауданына барып, 9–11-сынып оқушыларына кәсіби бағдар беру кездесуін өткізді.

Кездесу интерактивті форматта ұйымдастырылды. Университет Басқарма төрағасының орынбасары Ирина Владимировна Ровнякова оқушыларға Amanzholov University-де білім алудың артықшылықтары, жоғары білім алу мүмкіндіктері, кәсіби даму перспективалары мен студенттік өмір туралы ақпарат берді.

Кездесу кезінде университетке қабылдау талаптарына, Ұлттық бірыңғай тестілеу (ҰБТ) форматына және болашақ талапкерлерге ұсынылатын білім беру мүмкіндіктеріне ерекше назар аударылды. Оқушылар өздерін қызықтырған сұрақтарын қойып, толыққанды жауаптар алды.

Кездесу бағдарламасына тақырыптық викториналар мен университеттің фирмалық бұйымдары ойнатылған ұтыс ойындары да енгізілді. Мұндай формат оқушылардың қызығушылығын арттырып, университетпен жақынырақ танысуына мүмкіндік берді.

Кәсіби бағдар беру кездесулері жоғары сынып оқушыларына болашақ мамандығын таңдауға, жоғары білім алу мүмкіндіктерімен танысуға және алдағы білім алу бағытын саналы түрде айқындауға көмектеседі.

Amanzholov University Шығыс Қазақстан облысының аудандарында кәсіби бағдар беру жұмысын жалғастырып, мектеп оқушыларын университеттің білім беру бағдарламалары мен мүмкіндіктерімен таныстыруда.