AMANZHOLOV UNIVERSITY-ДЕ ЗАЙСАН АУДАНЫ БОЙЫНША ШЕКАРА БАСҚАРМАСЫНЫҢ 100 ЖЫЛДЫҒЫНА АРНАЛҒАН РЕСПУБЛИКАЛЫҚ КОНФЕРЕНЦИЯ ӨТТІ

С.Аманжолов атындағы ШҚУ-да Зайсан ауданы бойынша шекара басқармасының құрылғанына 100 жыл толуына орай республикалық ғылыми-практикалық конференция өтті.

«Қазақстанның шығыс шептері: шекаралық қауіпсіздік теориясы мен практикасы» атты конференция жұмысына ШҚУ басшылығы, ПОҚ, студенттер, ҚР ҰҚК ШҚ басшылығы, офицерлері мен ардагерлері, депутаттар, қоғамдық ұйымдардың өкілдері қатысты.
Университет ректоры Мұхтар Төлеген өзінің құттықтау сөзінде Зайсан шекара басқармасының шекара қорғаудағы бір ғасырдан астам тарихы бар екенін атап өтті.

– Біз еліміздің шекарасы мен қауіпсіздігінің сенімді қолда екеніне сенімдіміз. Сіздерді осы тамаша мерейтоймен құттықтаймын.Батылдық, табандылық тілеймін,-дейді басқарма-төреғасы ректор Мұхтар Төлеген.

ҚР ҰҚК ШҚО бойынша департаментінің бастығы Серік Рахимов өз сөзінде Зайсан ауданының шекара қызметінің 100 жылдық мерейтойы батырлардың есімдері алтын әріптермен жазылған тарихи оқиға екенін атап өтті.

Шекара қызметінің ардагері, отставкадағы полковник Абай Брекешев Тәуелсіздік жылдарында Зайсан шекара отряды қалай құрылғанын, ұлттық қауіпсіздік комитеті шекара қызметінің қалыптасуы мен барлық қызметтік-жауынгерлік қызметі егемен Қазақстанның қалыптасуымен байланысты екенін айта өтті.
ҚР ҰҚК шекара академиясының өкілдері, университет оқытушылары мен депутаттар пленарлық баяндама оқыды.

Конференция аясында ҚР ҰҚК ШҚ марапаттау рәсімі өтті. Марапаттар мен естелік сыйлықтар ШҚУ ректорына, проректорына және оқытушыларына, қонақтарға табысталды.

Сондай-ақ,жоғары оқу орны ректорының атынан офицерлер марапатталды.
Конференция соңында ынтымақтастық туралы меморандумға қол қойылды. С. Аманжолов атындағы ШҚУ және ҚР ҰҚК ШҚО бойынша департаменті түрлі мәселелер бойынша өзара іс-қимыл бойынша қарар қабылдады.