ИНКЛЮЗИЯ САЛАСЫНДАҒЫ ТӘЖІРИБЕ АЛМАСУ

«Дана Бала» Үздіксіз және инклюзивті білім беру орталығына Әлихан Бөкейханов атындағы университет (Семей қ.) оқытушылары Назгүл Рахымжанова мен Гүлзат Сарбасова келді. Қонақтардың бұл сапарларының мақсаты – инклюзивті білім беру саласында тәжірибе алмасу және болашақта осы салада ынтымақтастықты арттыру.
Орталық басшысы Алима Әліповамен кездесу барысында қонақтар зертханалардың материалдық-техникалық жабдықталуымен жақын танысты. Атап айтқанда, аппараттық психодиагностика және психокоррекция, сенсорлық интеграция және түзету зертханаларымен, логопедиялық кабинетпен және т.б.

Оқытушыларға Альфред Томатис әдісі бойынша есту жаттығулары, БОС-терапия, электроэнцефалография, полиграф, «МастерГраф» графикалық редакторы, «Дельфа», «Жайлау» компьютерлік сөйлеу тренажерлары және интерактивті логопедиялық үстел таныстырылды.

Назгүл Рахымжанованың айтуынша, «Дана Бала» орталығы – ерекше балаларды дамыту мен түзетудегі аса маңызды база.