ТАБЫСТАУ КЕШІ-2024: МАГИСТРАТУРА ЖӘНЕ ЖОҒАРЫ КОЛЛЕДЖ

Көптен күткен диплом тапсыру рәсіміне арналған іс-шаралар легі бастау алды. Дәстүр бойынша Amanzholov University-дің көптеген түлектерін Ertis Concert концерт алаңында аса маңызды күнмен құттықтайды.
Алғашқы күні магистрлер мен Жоғары колледж түлектеріне дипломдары табысталды.
2024 жылы университетті 12 білім беру бағдарламасы бойынша 750 түлек, Жоғары колледжді 236 түлек аяқтады. Оның ішінде 54 жас үздік диплом иегерлері атанып отыр.

Колледжде мамандар даярлау үшін білім беру қызметін жүргізудің лицензиялық талаптарына сәйкес барлық жағдай жасалған. Біздің түлектер республикалық және халықаралық ғылыми-практикалық конференциялардың, түрлі байқаулар мен олимпиадалардың жүлдегерлері, жеңімпаздары екенін мақтана айтамыз. Жастардың біздің таңдауы — тамаша жетістік, — дейді колледж директоры Бибигүл Төлегенова.

Диплом алған мамандарға арналған іс-шара әсем этно-биден басталып, күміс көмей әншілердің орындауындағы вокалдық қойылымдармен жалғасты. ШҚУ ректоры Мұхтар Төлеген құттықтау сөз сөйледі. Оның айтуынша, бұл күн жастар үшін үлкен өмірдің алғашқы баспалдағы.

Қымбатты түлектер, білім алып, жан-жақты маманға айналып, Отанымыз — Қазақстанның одан әрі жақсаруына себепші болдыңыздар. Еліміздің білім беру мен ғылым саласына сүбелі үлес қосып, оның маңызды бөлігіне айналдыңыздар. Сіздерге айтарым, бұл жетістікпен тоқтап қалмаңыздар. Жаңа белестерге шығуға ұмтылыңыздар, — деді ректор.

Мұхтар Әділбекұлы кәсіптік және ғылыми-педагогикалық бағытта оқыған үздік магистрлерге университеттің ғылыми және қоғамдық өміріне белсене қатысқандары үшін алғысхаттар табыстады. Олардың қатарында Бекарыс Серғалиев, Аделя Байбусинова, Еміл Али, Ерсайын Арынғазинов, Әйгерім Қыдырбекова, Адина Шаяхметова, Динара Исаева, Қуандык Құрманбекұлы, Дана Жұмаділова, Айым Кенжебаева, Аяулы Елтаева, Ақбота Қазезова, Жанаргүл Оралқан, Назерке Аяғанова, Аманбол Төлеухан, Меруерт Мырзабиева, Балжан Мисинова, Эльмира Ахметова, Тоғжан Оралбекова, Нұрбол Бердімуратов, Дидар Жарқын, Гүлдана Қазбекова, Назерке Амангелді, Бибигүл Дәукенова, Айқын Нұрасылов, Балнұр Ерқасымова, Жансая Мергенова және Мәриям Жеңісбек.

Үздіктерін қатарын Жоғары колледж түлектері толықтырды. Атап айтқанда, Софья Руденко, Айзада Ертаева, Әсем Жақсыбай, Айшагүл Елеубаева, Айша Қалымбет, Малика Қадылжанова, Даниял Бақытбеков, Роман Величко, Евгений Куликов, Ерасыл Оразхан, Карина Плужникова, Егор Пучкин, Алексей Токмин және Арыстан Төлешев.

Мен бакалавр дәрежесін де, магистр дәрежесін де ШҚУ-да алғаныма өте қуаныштымын. 2024 жылдың барлық түлектері мен магистрлерін құттықтаймын! Біздің дипломдарымыз табысты мансап жолының сәтті бастамасы болсын!, — дейді магистр Балжан Мисинова.

Уақыт өте жылдам зырғып өтті. Бүгін білікті маман атанып отырмын. Осы жылдар ішінде ЖОО маған сапалы білім, жарқын естеліктер сыйлады. Университет ректорына және оқытушыларға көп рахмет, — деп ағынан жарылды түлек Даниял Бақытбеков.

Айта кетейік, биыл ШҚУ-ды 3000-нан аса түлек аяқтады. Оның 219-ы үздік диплом иегерлері. Университет кәсіби мамандарды даярлайтын жоғары рейтингті оқу орыны ретінде жеке үлгідегі Дипломдарын табыстайды.