ШҚУ ДЕЛЕГАЦИЯСЫ КУРЧАТОВ ҚАЛАСЫНДА

«Ядролық технологиялар паркі» АҚ-мен ынтымақтастықты жолға қою және нығайту мақсатында ШҚУ-дың ғылыми қызметкерлері серіктес компания орналасқан Курчатов қаласына барды.

Іскерлік кездесу барысында ЖОО өкілдері жұмыс барысымен және нысанның материалдық-техникалық базасымен танысты. Ядролық технологиялар паркінде өндірістік цех, зертханалар, жылжымалы химия-технологиялық кешен және т.б. жұмыс істейді.
Сондай-ақ, тараптар бірлескен ғылыми жобалар, сондай-ақ ядролық физика және радиациялық материалтану саласында мамандар даярлау мәселелерін талқылады.

Жақын арада екіжақты меморандумға ресми түрде қол қойылады.