БІРІНШІ КУРС СТУДЕНТТЕРІНЕ АРНАЛҒАН БИ КЕШІ

№1 оқу ғимараты алаңы көңілді думанға ұласты. ШҚУ-да студент жастарға арналған ауқымды би кеші өтті. Жыл сайын білім күніне орай бірінші курс студенттерінің басын қосатын шара дәстүрге айналғаны сөзсіз. Студенттер хит әуендерді орындап, ламбада биін көпшілік болып билеп, жаңа достар тапты.

-Барлығы жоғары деңгейде ұйымдастырылған. Әсіресе, белсенді студенттердің биі ұнады. Өте әдемі әрі ырғақты болды. Мен С.Аманжолов атындағы ШҚУ-ға түсуді армандағанмын, дұрыс таңдау жасағаныма тағы бір көзім жетті, — деп «Туризм» оқу бағдарламасының бірінші курс студенті Бота Нұрланқызы өз әсерімен бөлісті.

Бірінші курс студенттері мұндай жылы қарсы алудың нәтижесінде өздерін университеттің бір бөлігі ретінде сезінгендіктерін жеткізді.