ШҚУ ӨКІЛДЕРІ ДҮНИЕЖҮЗІЛІК КӨШПЕНДІЛЕР ОЙЫНДАРЫ АЯСЫНДА ӨТЕТІН КӨРМЕГЕ ҚАТЫСАДЫ

Бірнеше күннен кейін Астанада V Дүниежүзілік көшпенділер ойындары басталады. Биылғы додаға әлемнің 89 елінен қонақтар келмек. Одан бөлек 10 мемлекеттің президенттері осы шараға қатыспақ. Осыдан-ақ Көшпенділер ойындарының ауқымдылығын байқаймыз.

Ойындар аясында «Аламан құрақ» қолөнер көрмесі өтпек. Көрмеге қатысушылар қатарында ШҚУ өкілдері Айжан Үмбетова мен Әсел Әбиева бар. Қолөнершілер бірнеше жылдан бері замануи үлгіде эко-ұлттық бұйымдар тігумен айналысады. Ою-өрнектердің этимологиясымен терең таныса отыра бас киімдер, көрпе-жастықтар тігеді.

-Біз Өскеменді халықаралық аренада таныстыруға қуаныштымыз. Бұл шараға ұзақ әрі мұқият дайындалдық. С. Аманжолов атындағы ШҚУ ұжымына қолдау үшін алғыс білдіреміз. Еңбегіміз ақталады деген сенімдеміз, — дейді шеберлер.

Естеріңізге сала кетейік, Дүниежүзілік көшпенділер ойындары Астанада 8-13 қыркүйек аралығында өтеді.