ШҚУ-ДА ПЕДАГОГТАРҒА АРНАЛҒАН БІЛІКТІЛІКТІ АРТТЫРУ КУРСТАРЫ ӨТУДЕ

Сәрсен Аманжолов атындағы ШҚУ-дың Кәсіптік даярлау және біліктілікті арттыру ресурстық орталығында ҚР Оқу-ағарту министрлігінің Орта білім комитетімен келісілген «Биологияны оқытудағы инновациялық технологиялар және ғылыми зерттеулерде заманауи тәсілдерді қолдану әдістемесі» бағдарламасы бойынша 21 қазан-12 қарашасы аралығында мектептер мен колледждердің педагогтеріне арналған қашықтықтан оқыту курсы өтуде.

Курстың мақсаты — өзгермелі әлеуметтік және экономикалық жағдайда өмір сүруге дайын ғана емес, қоршаған ортадағы белсенді қатынасын байқатып, оны жақсартуға ықпал ете алатын, бәсекеге қабілетті жеке тұлғаны қалыптастыру арқылы креактивтік, белсенділік, ой-өрісінің кеңдігі, шығармашылық әрекетке қызығушылығының басымдылығы мол оқушылар дайындауда пән мұғалімдерінің білімін шыңдап, заманауи зерттеу тәсілдері мен биологияны оқытудың инновациялық технологияларын білім мазмұны аясында меңгерту.

Курс дәріскерлері: Биология  кафедрасының оқытушылары.

Курстан Шығыс Қазақстан облысының әр өңірінен 22 тыңдаушы өтуде. Аталған курстың  ұзақтығы 108 сағат.