ОҚУШЫЛАРҒА КӘСІПТІК БАҒДАР БЕРІЛДІ

С.Аманжолов атындағы ШҚУ-да «Amanzholov University-мен демалыс» іс-шарасы аясында ІТ және жаратылыстану ғылымдары жоғары мектебі Биология кафедрасының сениор-лекторы Гүлсара Көмекова Таврия орта мектебінің 9-11 сынып оқушыларына кәсіптік бағдар беру жұмысын жүргізді. Оқушылар білім беру бағдарламалары туралы толық ақпарат алуға мүмкіндік алды.

Білімді жас өрендер музейлер мен зертханаларға жүргізген экскурсияға ерекше назар аударды. Олар кәсіби мамандардың қалай жұмыс істейтінін және қандай технологияларды қолданатынын іс жүзінде көре алды.

Бұл іс-шара Amanzholov University-дегі білім беру бағдарламаларын таңдауға мүмкіндік беретін алаңға айналды.