ШҚУ ПЕДАГОГ-АССИСТЕНТТЕРГЕ СЕРТИФИКАТ ТАБЫСТАДЫ

С.Аманжолов атындағы «Дана бала» инклюзивті білім беру орталығы «Жалпы білім беретін мектептерде ерекше білім беру қажеттіліктері бар балаларды сүйемелдеу бойынша педагог-ассистенттің кәсіби құзіреттілігін дамыту» курсының тыңдаушыларына сертификаттар табыс етті.

Кезекті құзіреттілікті дамыту курсына Өскемен қаласынан және Ұлан, Самар, Шеманоиха, Глубокое аудандарының балабақша, мектеп ұйымдарынан 21 педагог біліктілігін арттырды.

— Жас маман болғандықтан біздің білмейтініміз көп. Осы ЖОО-ға келіп педагог-ассистент ретінде кәсіби білімімді шыңдадым. Балаларды дамытуға арналған құрал-жабдықтар әр мектепте, балабақшада болуы керек деп ойлаймын. Өзім осы сертификат арқылы педагог-асисстенттік жұмысымды бастамақпын, — деді Ұлан ауданынан келген білім алушы Мөлдір Райымбекова.

Екі аптаның ішінде қатысушылар курс бойынша теориялық-практикалық білімдерін жетілдірді. Психологиялық-педагогикалық сүйемелдеу мамандарының құжаттама нысандарын ресімдеуді үйренді.