ШҚУ-ДА «ЖАСЫЛ ТОЛҚЫН» ЭКОЛОГИЯЛЫҚ ҒЫЛЫМИ ФОРУМНЫҢ ОТЫРЫСЫ ӨТТІ

«Таза Қазақстан» экологиялық бағдарламасының аясында С.Аманжолов атындағы ШҚУ-да экобелсенді, «Экоәдеттер» жобасының эко-кәсіпкері, ерікті Людмила Евженковамен және облыстық фронт-кеңсесінің жетекшісі Айдос Әділбеков «Жасыл толқын» экологиялқ ғылыми клубының белсенді студенттерімен кездесті.

Шара қоршаған ортаны аялау және өңірдегі «Таза Қазақстан» бағдарламасының жүзеге асу барысын талқылау мақсатында өтті. Людмила Евженкова экологияны сақтау мақсатында қандай әдеттер қалыптастыру керектігі жөнінде және қоршаған ортаны қорғауда қандай белсенді әрекеттер жасау керектігі туралы кеңестерімен бөлісті.  Кездесуде қатысушылар табиғатты сақтап, тұрақты болашақты қамтамасыз етудің нақты алғышарттарымен танысты. Айдос Әділбеков бағдарламаның дамуы, экологиялық білім береті шаралар және жастарды еріктілер қатарына тарту жөнінде ақпараттармен бөлісті.