ШҚУ-ДА СТУДЕНТ МУЗЫКАНТТАРДЫ ОҚЫТУ БАРЫСЫ ТАЛҚЫЛАНДЫ

С.Аманжолов атындағы Шығыс Қазақстан университетінің Мәдениет, спорт және бастапқы әскери дайындық кафедрасында «Қазіргі жағдайдағы студент-музыканттарды оқыту үдерісіндегі дәстүр мен жаңашылдық» тақырыбында ғылыми-әдістемелік семинар өтті.

Іс-шара музыка саласындағы жетекші мамандар мен оқытушыларды жинады. Семинарды педагогика ғылымдарының кандидаты, қауымдастырылған профессор А.Б. Нұрғожина жүргізді.

Семинар аясында баяндамашы Шемонаиха қаласындағы балалар өнер мектебінің меңгерушісі Елена Афанасьевна Розина «Өнер мектептерінің жұмыс тәжірибесіндегі инновациялық оқытудың негіздері», Өскемен қаласының №17 орта мектебінің директоры және музыка пәнінің мұғалімі Гүлмира Файзолдаевна Абдрахманова «Жалпы білім беретін мектептердегі музыка сабақтарына арналған электронды әдістемелік жинақ құру», философия ғылымдарының кандидаты, Мәдениет, спорт және бастапқы әскери дайындық кафедрасының қауымдастырылған профессоры Марина Дмитриевна Мужчиль «Музыкалық-эстетикалық тәрбиенің негізгі бағдарламалық үлгілері» баяндамаларын оқыды.

Бұл іс-шара музыка білімінің өзекті мәселелерін және студент-музыканттарды оқытудың инновациялық тәсілдерін талқылауға арналған алаң болды, бұл қазіргі білім беру жағдайында ерекше маңызды.