«ҚАЗАҚСТАН АРУЫ-2024» ШҚУ-ҒА АЛҒЫСЫН БІЛДІРДІ

С.Аманжолов атындағы Шығыс Қазақстан университеті «Қазақстан аруы-2024» байқауының жеңімпазы Бағым Балтабаеваны салтанатты түрде қарсы алды. Ол жыл сайынғы республикалық сұлулық байқауында жеңіске жеткеннен кейін кіші отанына оралды. Әуежайдың күту залында Бағымды музыканттар, оқытушылар, топтастары және БАҚ өкілдері қарсы алды. Естеріңізге сала кетейік, Бағым С.Аманжолов атындағы ШҚУ-дың «Бастауыш оқытудың педагогикасы мен әдістемесі» білім беру бағдарламасының үшінші курс студенті.

— Бұл атақ- тек менің жетістігім ғана емес, маған қолдау көрсеткен жандардың да ортақ жеңісі.  Мен өз университетіме берген мүмкіндіктері мен қолдауы үшін үлкен алғысымды білдіремін. Біздің оқу ордамыздың қабырғасында мен мақсатқа ұмтылуды, арманыма қорықпай жетуді және өз әлеуетімді ашуды үйрендім. Әсіресе, ректорымызға және барлық оқытушылар құрамына ерекше алғысымды білдіргім келеді. Сіздің сенімдеріңіз маған алға ұмтылуға күш берді», — деді Бағым.

Енді Бағым Балтабаева келесі кезеңге – «Әлем аруы-2026» байқауына белсенді дайындықты бастайды.