“КӨРКЕМ” ҚҰРАМАСЫ «МАУСЫМАШАР- 2025» ФЕСТИВАЛІНЕ ЖОЛДАМА АЛДЫ

С. Аманжолов атындағы ШҚУ-да жастардың сүйікті ойыны облыстық «Жастар кубогы» Жайдарман ойындары өтті. Облысымыздың, университетіміздің абыройын Республикалық деңгейде асқақтатқан қыздардан құралған “Көркем” жайдарман құрамасы осы бәсекеде бақ сынасып, 2 орын алып, Вице — чемпион атағына ие болды.

Сонымен қатар, биылғы жылды айқын басымдылықпен қорытындылай отырып, жүлделі жетістіктерге қол жеткізді. “Көркем” құрамасы осы уақыт аралығында дәстүрлі түрде өткізілетін әр ойыннан қалыс қалмай, С. Аманжолов атындағы ШҚУ «Amanzholov Ректор кубогы» І орын, Ұлан ауданы әкімінің кубогында ІІ орын, Республикалық Ertis Nomad лигасында ІІ орынды иеленген болатын. Тартысты сайыста ешкімнен кем қалмай, көптің көңілінен шыққан дарынды қыздар Астана қаласында өтетін Маусымашар 2025 фестивалінде оқу ордамыздың намысын қорғамақшы.

Жайдарманның жайдарлы ойындарына сәттілік!