ЖАСАНДЫ ИНТЕЛЛЕКТ: НЕГІЗДЕРДЕН ҚОЛДАНУҒА ДЕЙІН

ЖОО-да педагогикалық білім беру бағдарламаларының студенттері үшін «Жасанды интеллект: негіздерден бастап қолдануға дейін» курсының тұсаукесері өтті.
Алдағы оқытудың мақсаты — жасанды интеллект негіздерімен және оның әртүрлі салаларда қолданылуымен таныстыру. Академиялық саясат және білім беру бағдарламаларын басқару департаменті мамандарының айтуынша, бұл курс жасанды интеллект құралдары мен әдістерін қолдануды үйренгісі келетіндердің барлығына пайдалы.

– Курс алғаш рет ашылды. Бағдарлама аяқталғаннан кейін барлық қатысушыларға сертифика беріледі. Ал қорытынды жұмыс нәтижелері негізгі транскриптке көшіріледі. Бұл жұмыс іздеу кезінде үлкен артықшылық болады, – деді Академиялық саясат және білім беру бағдарламаларын басқару департаментінің директоры Ержан Домалатов.

Курс сағаттарының саны – 72 сағат. Осы уақыт ішінде жастар жасанды интеллекттің тарихы және жіктелуі туралы біледі. Сонымен қатар машиналық оқыту мен нейрондық желілердің әдістері мен тәсілдерін, практикалық мысалдарын талдап, нақты тапсырманы шешу үшін машиналық оқытудың өзіндік моделін құрумен айналысады.
Инновациялық оқыту бағдарламасына дәріс курсы, практикалық сабақтар, курстардың модульдік бағдарламасы және курсаралық өздік жұмыс кіреді.

Толық 72 сағаттық курстан өткен студенттер «Контекст және есте сақтау: жасанды интеллектті қалай шынайы ету керек» және «Whisper көмегімен сөйлеуді интеллектуалды тану» тақырыптары бойынша презентациялар дайындауы керек.

Айта кетейік, университет студенттері үшін оқу тегін. Өзекті салада жаңаны үйренгісі келетін студенттер курсқа жазылу үшін кураторлар мен декандарға жүгіне алады.