ЖАСАНДЫ ИНТЕЛЛЕКТ ТЕХНОЛОГИЯЛАРЫН ҚОЛДАНУДЫҢ ҚОЛДАНБАЛЫ АСПЕКТІЛЕРІ ЖӨНІНДЕГІ ҒЫЛЫМИ СЕМИНАР

Жасанды интеллекттің дамуы мен қолданылуына қатысты өзекті мәселелерге арналған тақырыптық апта аясында Сәрсен Аманжолов атындағы Шығыс Қазақстан университетінің компьютерлік модельдеу және ақпараттық технологиялар кафедрасында «Жасанды интеллект технологияларын қолданудың қолданбалы аспектілері» атты ғылыми семинар өтті.

Іс-шара барысында докторанттар мен магистранттар машина оқытуы, деректерді талдау және цифрлық трансформация салаларындағы заманауи міндеттерді шешуге бағытталған ғылыми зерттеу нәтижелерін ұсынды.

Семинар ғылыми идеялармен алмасуға, зерттеулердің келешекті бағыттарын талқылауға мүмкіндік беріп, университеттің жас ғалымдары арасында зерттеушілік мәдениетті нығайтуға ықпал етті.