«Серпін» бағдарламасы

Қазіргі уақытта оқуға жіберілген Түркістан, Қызылорда, Жетісу, Алматы және Жамбыл облыстарынан жастарды оқуға қабылдап отырған өңірлер: Ақмола, Ақтөбе, Атырау, Шығыс Қазақстан, Абай ауданы, Батыс Қазақстан, Қарағанды, Ұлытау облыстары, Қостанай, Павлодар және Солтүстік Қазақстан облыстары.           

Бұл бағытта мемлекет тарапынан анықталған жоғары оқу орындары білікті кадрларды даярлауға, оқу үрдісін ұйымдастыруға, мектеп түлектерін оқуға қабылдауға атсалысуда.Он сегіз жоғары оқу орнының қатарында Сәрсен Аманжолов атындағы университетіміз 2014-15 оқу жылынан бастап осы мемлекеттік бағдарламаның білім беру саласындағы қалыптасуына және одан әрі дамуына белсенді түрде үлес қосып отыр, 2024 жылы 11 лекті қабылдады.            Қазіргі уақытта кадрларды даярлау барлық педагогикалық білім беру бағдарламалары және 3 педагогикалық емес бағыттар бойынша жүргізіледі: «Ақпараттық технологиялар», «Азық-түлік өндірісі» және «Орман шаруашылығы».           

«Серпін» әлеуметтік жобасы – жастардың жоғары білім алуына, сол арқылы отандық білікті кадрлардың қатарын толықтыру үдерісіне зор үлес қосуына зор мүмкіндіктер беретін бағдарлама. Олардың жастардың қоғамдық жұмыстарына, студенттік ғылыми-шығармашылық жобаларына қатысуы академиялық ұтқырлық бағдарламасы аясында болашақ көшбасшылардың тәжірибесін жинақтау, шет мемлекеттердің жоғары оқу орындарында білімін жетілдіру үшін маңызды басымдықтарды қамтамасыз етеді.           

Оңтүстік өңірлердің жастары үшін «Серпін» бағдарламасы мемлекет, министрлік, жоғары оқу орындары тарапынан жасалып жатқан ең үлкен қолдау мен көмек деп білеміз. «Серпін» квотасы бойынша бөлінген білім гранттары толығымен игеріліп отырылады және бұл мемлекеттік бағдарламаның үздіксіз әрекет етуінің, бағдарламаның өзекті деңгейде болғанының белгісі.           

Сәрсен Аманжолов атындағы ШҚУ-да барлық жағдай жасалған, материалдық-техникалық база жеткілікті деңгейде қамтылған: соңғы 6-7 жылда 8 оқу ғимараты инновациялық технологиялармен жоғары дәрежеде жабықталды және ерекше білім беруді қажет ететін балаларға арналған «Dana bala» үздіксіз және инклюзивтік білім беру орталығы, «Алтайтану» ғылыми-зерттеу орталығы, «Абайтану» ғылыми-зерттеу институты, сирек кітап қорлары, бірегей гербарий қоры табысты жұмыс істейді; «Чайка» спорттық-жүзу бассейні, «Сібе» 2 оқу-дала оқу базасы, «Панкратьев-Г.Вистениус атындағы бақ.», Қабанбай батыр атындағы әскери кафедра, «Алтай жастары» студенттік медиа орталығы, студенттердің шет тілін оқитын «Тіл әлемі» көптілді білім беру орталығы бар, жастар TOEFL, IELTS емтихандарына халықаралық сертификаттар алу үшін дайындық курстарынан өтеді, «Парасат» студенттерге қызмет көрсету орталығы, Алексей Трунов атындағы дене шынықтыру-сауықтыру орталығы, оқу зертханалары мен кабинеттері, 2000 орындық 4 студенттік үйлері белсенді қызмерт етуде. Студенттер үйлеріне бірінші кезекте еліміздің шалғай өңірлерінен, оның ішінде «Серпін» квотасы бойынша қабылданған жастар орналастырылады.Университетте жастарды оқуға тарту, оқу процесін ұйымдастыру және студенттік өмірді тиімді үйлестіру бойынша арнайы шараларды өткізу дәстүрі бар және жалғасуда.           

2018 жылдан бері университет «Серпін» бағдарламасы бойынша 1122 білікті маман даярлап шығарды.           

«Серпін» бағдарламасының түлектері Шығыс Қазақстан облысының қалалары мен аудандарындағы түрлі білім беру ұйымдарында, колледждерде, мектепке дейінгі мекемелерде (Өскемен қаласындағы №15, №18, №20, №46, №1, №27 орта мектептерде, Нұр-Орда орта мектебі, Этнографиялық мұражай, Пушкин атындағы кітапхана, «ҮМЗ» АҚ, әскери бөлімдерде) және басқа да кәсіпорындарда еңбек етуде.Қазіргі таңда «Серпін» бағдарламасының 8 түлегі ШҚО докторанттары, әртүрлі білім беру бағдарламалары бойынша даярлануда.           

Бағдарлама жастарының арасында отбасын құрып, Шығыс Қазақстанды тұрақты өңір ретінде таңдаған түлектер де бар.  Қазір олар аудан, қала, облыстардағы мектептерде, мектепке дейінгі мекемелерде, өндірістік нысандарда, кәсіпорындарда еңбек етуде.

С.Аманжолов атындағы ШҚУ «Серпін» бағдарламасының түлектері 2018-2024 жылдар аралығында білім беру бағдарламалары бойынша оқуын аяқтаған түлектер келесі мамандықтар бойынша білікті мамандар аталып отыр:

1. Педагогика және психология
2. Бастауышта оқытудың педагогикасы мен әдістемесі
3. Мектепке дейінгі оқыту мен тәрбиелеу
4. Дефектология
5. Әлеуметтік педагогика
6. Математика
7. Математика – Физика
8. Математика-Информатика
9. Физика
10. Физика –Информатика
11. Химия
12. Химия және биология
13. Биология
14. Биология-жаратылыстану
15. География
16. Қазақ тілі мен әдебиеті
17. Шет тілі: екі шет тілі
18. Кәсіптік оқыту
19. Қайта өңдеу өндірісінің технологиясы
20. Материалтану және жаңа иматериалдар технологиясы
21. Орман ресурстарыаңшылықтану және ара шаруашылығы
22. Тіршілік қауіпсіздлігі және қоршаған ортаны қорғау
23. Ақпараттық жүйелер
24. Компьютерлік мехатроника