ШҚУ СТУДЕНТІ ««МИСС ҚАЗАҚСТАН-2024» МӘРТЕБЕСНЕ ИЕ БОЛДЫ

С.Аманжолов атындағы Шығыс Қазақстан университетінің студенті, Өскемен қаласының тұрғыны Бағым Балтабаева жыл сайын өтетін «Мисс Қазақстан-2024» байқауында қаламыздың абыройын қорғап, лайықты жоғары мәртебені жеңіп алды. Еске салайық, осыған дейін «Мисс Қазақстан» мәртебесін Өскемен 20 жыл бұрын иеленген.

— Бүгінгі таңда Бағым Балтабаева біздің жоғары оқу орнында «Бастауыш оқытудың педагогикасы және әдістемесі» білім беру бағдарламасында оқиды. Ол бірінші оқу күнінен бастап қоғамдық жұмыстарға белсенділік танытты. «Алтын белгі» иегері, әртүрлі конкурстар мен Олимпиада қатысушысы.  Бағым – сұлулық пен тәрбиенің, биікке ұмтылудың, табандылықтың, қабілеттің және зияткерліктің үйлесімді үлгісі. Студентіміз өз саласының жоғары санатты білікті маманы болады деп сенемін, — деді ЖОО ректоры Мұхтар Төлеген.

Енді ШҚУ студенті «Әлем аруы» байқауында Қазақстанның атынан қатысады.

Атап өтейік, еліміздің ең сұлу атағын алуға 20 ару бақ сынасты. Байқауға барлығы екі мыңнан астам қазақстандық өтініш берген.