AMANZHOLOV UNIVERSITY СТУДЕНТТЕРІ ПРАКТИКАЛЫҚ ПСИХОЛОГ ОЛЬГА СЕРГИЕНКОМЕН КЕЗДЕСТІ

Сәрсен Аманжолов атындағы Шығыс Қазақстан университетінде практикалық психолог Ольга Сергиенкомен студенттердің кездесуі өтті.

Шараға «Психология», «Ерте қолдау педагогикасы» және «Клиникалық психология» білім беру бағдарламаларының студенттері қатысты. Кездесудің негізгі мақсаты – болашақ мамандарды психология саласындағы заманауи бағыттармен таныстыру және шығармашылықтың кәсіби дамудағы рөлін ұғындыру болды.

Қонақ спикермен әңгіме еркін форматта өрбіді. Ольга Сергиенко арт-терапия саласындағы тәжірибесімен бөлісіп, символикалық материалмен жұмыс істеудің ерекшеліктерін түсіндірді, сондай-ақ шығармашылық процесс арқылы ішкі өсу мен кәсіби жетілуге қолдау табуға болатынын көрсетті.

«Психологтың жолы ең алдымен өз-өзіңді сезініп, түсінуден басталады. Арт-терапия адамға өзінің ішкі әлемін көруге және оны басқаларға көмек көрсетуге арналған ресурсқа айналдыруға мүмкіндік береді», – деп атап өтті спикер.

Кездесу жылы әрі сенімге толы атмосферада өтті. Студенттер белсенді түрде сұрақтар қойып, кәсіби сын-қатерлерді талқылады және арт-практикалар бойынша шағын шеберлік сабағына қатысты. Шығармашылық жаттығулар қатысушыларға өзін жаңа қырынан тануға, өзін-өзі танудың және эмоциялық өрнектіліктің мамандықтағы маңызын сезінуге мүмкіндік берді.

Осындай кездесулер болашақ психологтардың кәсіби болмысын қалыптастыруда, олардың креативті ойлау қабілетін дамытуда және ішкі ресурстың құндылығын ұғындыруда маңызды рөл атқарады. Бұл шара студенттер үшін тек танымдық тәжірибе ғана емес, сонымен қатар саналы кәсіби өсуге жетелейтін қадам болды.