БІЛІМ МЕН БОЛАШАҚ БІР КЕҢІСТІКТЕ: №4 ОҚУ ҒИМАРАТЫ

Сәрсен Аманжолов атындағы Шығыс Қазақстан университетінің Басқарма төрағасы – ректор Гүлжан Жарасова №4 оқу ғимаратына барып, білім алушылардың оқуына арналған академиялық кеңістіктің қазіргі жағдайымен танысты.

№4 оқу ғимараты – студенттердің білім алып, кәсіби бағытта қалыптасуына мүмкіндік беретін университеттің оқу кеңістіктерінің бірі. Мұндағы аудиториялар мен кабинеттер оқу үдерісінің мазмұнына сай ұйымдастырылып, білім алушылардың теориялық білімін тәжірибемен ұштастыруына жағдай жасауға бағытталған.

Гүлжан Жарасова оқу аудиториялары мен кабинеттердің жай-күйін көріп, білім алушылар мен оқытушыларға жасалған жағдайды бағалады. Оқу кеңістігінің тиімділігі, материалдық-техникалық базаның жай-күйі және білім беру үдерісін сапалы ұйымдастыруға қажетті мүмкіндіктер талқыланды.

Қазіргі жоғары білім беру жүйесінде сапалы академиялық орта – білім нәтижесіне ықпал ететін маңызды факторлардың бірі. Осыған байланысты оқу ғимараттарын жаңғырту, материалдық базаны нығайту және студенттер үшін қолайлы білім беру ортасын қалыптастыру университеттің даму бағыттарымен сабақтасып келеді.

Гүлжан Жарасова оқу кеңістіктерін одан әрі жетілдірудің, білім алушылардың сапалы білім алуына қажетті жағдайды нығайтудың маңыздылығын атап өтті.

№4 оқу ғимаратына бару қорытындысы бойынша білім беру ортасын жетілдіру, оқу жағдайларын жақсарту және инфрақұрылымды дамытуға бағытталған міндеттер айқындалды.