ШҚУ СТУДЕНТІ MMA FREE FIGHTING ЖЕҢІМПАЗЫ АТАНДЫ

Елордада ережесіз жекпе-жектен Әлем біріншілігі өтті. Жарыста С. Аманжолов атындағы ШҚУ студенті Бақжанар Нұрланбекұлы 61 келі салмақ дәрежесінде бірінші орынға ие болды. Ауқымды сайысқа Қазақстан, Тәжікстан, Қырғызстан, Өзбекстан мен Ресей мықтылары қатысты.

«Дене шынықтыру және спорт» білім беру бағдарламасының үшінші курс студенті, оқу орыны мақтанышы – Бақжанар оқуда да үлгілі. Спорттық мансабындағы маңызды жарысқа тыңғылықты дайындалған. Өткізген төрт жекпе-жекте де жеңімпаз шықты. Соның арқасында «MMA Free Fighting-тен Халықаралық дәрежедегі спорт шебері» атағын алды.

Университет студенті болашақта басқа да халықаралық жарыстарға тұрақты түрде қатысуға ниетті. Оқуын ойдағыдай тәмамдап, жоғары білім туралы дипломын қолға алуды да басты мақсат еткен.