НЕЛЬСОН МАНДЕЛАНЫҢ ХАЛЫҚАРАЛЫҚ ЕРЕЖЕЛЕР КҮНІ

18 шілдеде әлемде Нельсон Манделаның халықаралық ережелер күні атап өтіледі. Олар тұтқындардың құқықтарын қорғауға, олардың қауіпсіздігін қамтамасыз етуге және медициналық көмек, білім беру және кәсіптік оқытуды қоса алғанда, қажетті қызметтерге қол жеткізуге бағытталған.

— Біздің университет адам құқықтарын сақтау жөніндегі бастамаларды белсенді қолдайды. Біз бұл әділ және адамгершілік қоғам жолындағы маңызды қадам екеніне сенімдіміз, — деп атап өтті заң ғылымдарының докторы Қуат Рахымбердин.

Естеріңізге сала кетейік, 2023 жылы «Құқықтану» білім беру бағдарламасының 50-ден астам студенті БҰҰ-ның Есірткі және қылмыс жөніндегі басқару платформасында «Нельсон Мандела ережелері» онлайн курсынан өтті.

Сонымен қатар, Қуат Рахымбердин «Қазақстан Республикасының Қылмыстық-атқару заңнамасындағы олқылықтар мен қайшылықтарды еңсеру тетігінде Нельсон Мандела ережелерін имплементациялаудың рөлі» тақырыбында монография дайындаған.