ГЕРМАНИЯДАН КЕЛГЕН ҒАЛЫМ ШҚУ-ДАҒЫ ТАҒЫЛЫМДАМАСЫН АЯҚТАДЫ

Фраунгофер керамикалық технологиялар және жүйелер институтының профессоры Мұхаммед Сахибтің жұмыс сапары аяқталды. Ғалым ШҚУ-ға бір ай бұрын Қазақстанға шетелдік мамандарды тарту бағдарламасы аясында келген.

-Менің сапарымның мақсаты — “Беттік инженерия және трибология” ҒЗО-мен ынтымақтастық. Мен университеттің ғылыми қызметкерлерімен тәжірибе және білім алмасуға, сондай-ақ олардың тәжірибесін өз зерттеулерімде қолдануды мақсат етіп келген едім, — Мұхаммед Сахиб.

Бір ай бойы Германиядан келген қонақ «Биокомпозициялық жабындарды жоюдың ғылыми және технологиялық негіздері» курсы бойынша дәріс оқыды, биотехнология және биоинженерия бағыты бойынша докторанттарға кеңес берді, олармен докторлық диссертациясына қажетті эксперименттер жүргізді.

Айта кетейік, Фраунгофер керамикалық технологиялар және жүйелер институты Дрезденде 1992 жылы құрылған. Оның қызметкерлері техникалық керамика саласында жоғары тиімді технологиялар мен материалдардың қолданбалы зерттеулері мен әзірлемелерін жүргізеді.