ЖОО ҚЫЗМЕТКЕРЛЕРІ ОБЛЫСТЫҚ ТАМЫЗ КЕҢЕСІНЕ ҚАТЫСТЫ

Кезекті Тамыз кеңесі білім беру процесінде жасанды интеллектті және цифрлық технологияларды сауатты және тиімді қолдану тақырыбына арналды.

Секциялар тәжірибе алмасуға және цифрландыру жағдайында білім беру жүйесін дамытудың бірыңғай тәсілдерін қалыптастыруға бағытталды. Талқылаулар білім беру платформаларын пайдалану, оқыту сапасын жақсарту үшін цифрлық ресурстар және технологияларды қолдана отырып оқытудың жаңа әдістері тақырыптарын қамтыды.

Шараға «Dana bala» үздіксіз және инклюзивті білім беру орталығының басшысы Алима Алипова және психология және түзету педагогикасы кафедрасының сеньор-лекторы Рауан Байчинов қатысты. Олар арнайы және инклюзивті білім беру педагогтары секциясында сөз сөйледі.

Соңында ЖОО қызметкерлеріне ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы директорының Алғыс хаттары табысталды.