БОС ЖҰМЫС ОРЫНДАР ЖӘРМЕҢКЕСІ: ШҚУ СТУДЕНТТЕРІНЕ ЖАҢА МҮМКІНДІК

Өскемен қаласындағы мәнсап орталығының ұйымдастыруымен өткен бос жұмыс орындар жәрмеңкесіне С.Аманжолов атындағы ШҚУ мен Жоғары колледждің бітіруші курс студенттері қатысты.
Шара болашақ мамандардың жұмысқа орналасуға дайындалуларына және жұмысберушілермен тікелей сұхбаттасуларына мүмкіндік берді. Облыс орталығындағы АҚ «Востокмашзавод», «Үлбі металлургия зауыты» АҚ, «Өскементранстелеком» АҚ, «Өскемен ЖЭО» ЖШС,»Эмиль» ЖШС сынды 40-тан астам кәсіпорын мен мекеме 300-ге жуық бос жұмыс орынын ұсынды.

— Бүгін жұмыс берушілердің негізгі талаптарын білдім. Сондай-ақ мені қызықтырған жұмыс орындары да бар. Жұмыс берушінің талабын білу арқылы, өзімізді қай бағытта дамыту керектігін алдын ала біле аламыз, — деді студент Ольга Лёвина.

Өңіріміздегі жұмысберушілермен кездесу еңбек нарығындағы талаптармен қатар әртүрлі салада сұранысқа ие үрдістер жайлы білуге жол ашады.

— Бос жұмыс орындар жәрмеңкесіндегі бірнеше компания мені қызықтырды, енді сол жерлерден іс-тәжірибеден өтуді жоспарлап отырмын, — деді С.Аманжолов атындағы ШҚУ-дың 4-ші курс студенті.