2 октября 2025

Қаржылық қауіпсіздік диктантын (FinIQ) өткізу туралы

Қазақстан Республикасы Қаржылық мониторинг агенттігі Қаржылыққауіпсіздік диктантының (FinIQ) басталғанын хабарлайды. Диктант 2025 жылғы 10–20 қазан аралығында өткізіледі.

Бастаманың мақсаты – қазақстандықтардың қаржылық сауаттылығынарттыру, қаржылық алаяқтық тәуекелдері туралы хабардарлығын күшейтужәне жеке қаржыны қауіпсіз басқару мәдениетін қалыптастыру.

Қатысушылар:

Диктантқа кең ауқымды аудитория қатыса алады:

6–11 сынып оқушылары, колледждер мен жоғары оқу орындарыныңстуденттері, барлық саладағы жұмыс істейтін азаматтар, зейнеткерлер, мемлекеттік қызметкерлер, құқық қорғау органдарының қызметкерлері жәнеқаржылық мониторинг субъектілері.

Өткізу форматы:

Іс-шара онлайн форматта 20 сұрақтан тұратын тест түріндеұйымдастырылады:

• Өту уақыты – 25 минутқа дейін

• Тапсыру саны – шектеусіз

• Платформа – AML Академиясының сайты: https://amlacademy.kz/finiq

• Нәтижелер және марапаттар

— Дұрыс жауаптардың кемінде 50%-ын (10 және одан көп) жинаған қатысушыларға Қатысушы сертификаты табысталады.

— 80% және одан да көп (16 және одан көп) дұрыс жауап бергендер Жеңімпаз дипломына ие болады.

— Әр өңірде диплом алған алғашқы 10 жеңімпаз естелік сыйлықтармен марапатталады.

«Азаматтардың қаржылық сауаттылығы мен қырағылығын арттыру – ұлттық қаржылық қауіпсіздік стратегиясының маңызды бөлігі. Біз барлық қазақстандықтарды диктантқа қатысып, өз білімдерін тексеруге шақырамыз.

Агенттік еліміздің барлық тұрғындарын жасына және қызмет саласына қарамастан бастамаға қосылып, қаржылық қауіпсіздік мәдениетін дамытуға өз үлесін қосуға үндейді.

ШҚО бойынша ЭТД