ЖАСАНДЫ ИНТЕЛЛЕКТ ДӘУІРІНДЕГІ ҒЫЛЫМИ ШЫҒАРМАШЫЛЫҚ: ФИЛОСОФИЯЛЫҚ ПАЙЫМ ЖӘНЕ ЖАҢА МҮМКІНДІКТЕР

22 сәуірде С. Аманжолов атындағы Шығыс Қазақстан университетінде «Жасанды интеллект дәуіріндегі ғылыми шығармашылық» тақырыбында дөңгелек үстел өтті. Іс-шара жасанды интеллекттің қарқынды дамуы жағдайында ғылыми білімнің трансформациясын философиялық тұрғыдан пайымдауға арналды.

Бүгінде жасанды интеллект білім өндіру, авторлық және интерпретациялау тәсілдерін елеулі түрде өзгертіп отыр. Қатысушылар цифрлық дәуірдегі ғылыми білім субъектісінің мәртебесін, зерттеу қызметінде ЖИ қолданудың мүмкіндіктері мен шектеулерін, сондай-ақ инфосферадағы ғылыми шығармашылықтың жаңа формаларын талқылады.

Дөңгелек үстелдің модераторлары — PhD, қауымдастырылған профессор Елена Геннадьевна Рякова және PhD, қауымдастырылған профессор Майра Шуршитбайқызы Тарлаубай — мазмұнды диалогтың бағытын айқындады. Бағдарлама аясында 1-курс докторанттары мен «Философия» мамандығының білім алушылары сөз сөйледі: Ф. С. Кенжебекова ғылымның эпистемологиялық негіздерін талдап, интеллектуалды технологиялардың ғылыми таным сипатына әсерін көрсетті; Д. Қ. Ниғманова Л. Флориди тұжырымдамасына сүйене отырып, цифрлық ортада білім субъектісі функцияларының қайта бөлінуін қарастырды; А. М. Оспанбаева М. Фуконың «Автор деген не?» еңбегі негізінде автор функциясын ғылыми ойлаудың өмір сүру тәсілі ретінде талдады; Б. К. Курметова қазақ мифологиясын зерттеуде жасанды интеллектті қолдану мүмкіндіктері мен шекараларын айқындап, гуманитарлық зерттеулердің перспективаларын ұсынды; К. В. Аканова, «Дінтану – философия» мамандығының 4-курс студенті, жасанды интеллекттің дамуына тарихи-философиялық көзқарас ұсынып, оның тұжырымдамалық трансформацияларын ашып көрсетті.

Талқылауға Моңғолиядан келген оқытушылар мен студенттер, Қазақстан тарихы және әлеуметтік-гуманитарлық пәндер кафедрасының профессорлық-оқытушылық құрамы, «Алтайтану» ғылыми-зерттеу орталығының қызметкерлері, сондай-ақ «Дінтану – философия» мамандығының 1–3 курс студенттері қатысты. Бұл іс-шара қатысушылар үшін өзекті философиялық ортаға ену тұрғысынан маңызды тәжірибе болды. Дөңгелек үстел түрлі зерттеу тәсілдері тоғысқан, жасанды интеллекттің ғылымдағы рөлін одан әрі пайымдауға мүмкіндік берген жанданды ғылыми пікірталас алаңына айналды.