КВАНТТЫҚ ФИЗИКА ЖӘНЕ БОЛАШАҚ ҒЫЛЫМЫ

Amanzholov University-де Жоғары IT және жаратылыстану ғылымдары мектебінің Физика және технологиялар кафедрасында бірінші курс студенттеріне арналған дәріс өтті.

Кездесу «Қазіргі және болашақ ғылымдағы квантталу» тақырыбына арналды. Дәрісті Физика және технологиялар кафедрасының профессоры, философия ғылымдарының кандидаты Гүлсім Сафуанқызы Бектасова өткізді.

Дәріс барысында студенттер кванттық физиканың қазіргі ғылымдағы маңызы, оның ғылыми-зерттеу бағыттары мен технологиялардың дамуына ықпалы туралы білді. Кванттық физиканың даму перспективаларына және оның ғылыми-технологиялық болашақты қалыптастырудағы мүмкіндіктеріне ерекше назар аударылды.

Кездесу студенттердің университеттік ортаға бейімделуіне бағытталған білім беру іс-шараларының бір бөлігі болды және олардың ғылыми-зерттеу қызметі туралы түсініктерін кеңейтуге мүмкіндік берді. Ғылымның өзекті бағыттарын талқылау студенттердің танымдық қызығушылығын арттырып, кәсіби бағдарларының қалыптасуына ықпал етеді.

Студенттер үшін оқу кезеңінің басталуы тек оқу пәндерін меңгерумен ғана шектелмейді, сонымен қатар кәсіби және зияткерлік тұрғыдан дамудың жаңа мүмкіндіктерін ашумен байланысты. Ғылымның заманауи бағыттарымен танысу болашақ мамандық туралы және одан әрі кәсіби даму бағыттары жөнінде кеңірек түсінік қалыптастыруға көмектеседі.

Физика және технологиялар кафедрасы студенттерге оқу жылының сәтті басталуын, қызықты жаңалықтар ашуын, ғылыми бастамалар мен жоғары жетістіктер тілейді!