AMANZHOLOV UNIVERSITY-ДЕ БАСҚАРМА ТӨРАҒАСЫ – РЕКТОРДЫ ТАНЫСТЫРУ РӘСІМІ ӨТТІ

Бүгін Сәрсен Аманжолов атындағы Шығыс Қазақстан университетінде жаңа Басқарма төрағасы – ректор Гүлжан Сағидуллақызы Джарасованы ұжымға ресми таныстыру рәсімі өтті.

Іс-шара университет ұжымы үшін маңызды оқиға болып, оқу орны қызметіндегі жаңа кезеңнің басталуын айқындады.

Құрметті қонақтар қатарында Қазақстан Республикасы Ғылым және жоғары білім министрлігі Аппаратының басшысы Мадияр Дүйсенбайұлы Қожахмет, Шығыс Қазақстан облысының әкімі Нұрымбет Аманұлы Сақтағанов, сондай-ақ Мұхтар Әуезов атындағы Оңтүстік Қазақстан университетінің ректоры Мұхтар Әділбекұлы Төлеген болды.

Ұжым алдында сөз сөйлеген Шығыс Қазақстан облысының әкімі Нұрымбет Аманұлы Сақтағанов жоғары оқу орындарының кадр даярлаудағы және адами капиталды қалыптастырудағы ерекше рөліне тоқталды. Ол Қазақстан Республикасының Президенті Қасым-Жомарт Тоқаевтың жоғары оқу орындарының стратегиялық маңызы туралы айтқан сөздерін еске салды:

«Жоғары оқу орны тек кадр даярлайтын орталық қана емес, елдің әлеуметтік-экономикалық дамуына үлес қосатын стратегиялық орталық болуы тиіс».

Нұрымбет Сақтағановтың айтуынша, заманауи университет қоғам мен экономиканың сұранысына жауап беріп, бәсекеге қабілетті мамандар даярлауға, ғылыми әзірлемелерді енгізуге және жаңа бастамаларды жүзеге асыруға бағытталуы қажет.

Гүлжан Сағидуллақызы Джарасованың тағайындалуы Сәрсен Аманжолов атындағы Шығыс Қазақстан университеті үшін жаңа перспективаларға жол ашады. Басым бағыттардың қатарында білім беру сапасын арттыру, ғылыми әлеуетті нығайту, инновациялық жобаларды қолдау, халықаралық ынтымақтастықты кеңейту, сондай-ақ студенттер мен оқытушылардың білім алуы мен кәсіби өсуін қолдау бар.

Іс-шара барысында басшылықтағы сабақтастыққа да ерекше назар аударылды. Мұхтар Әділбекұлы Төлегеннің қызмет атқарған кезеңінде университет ұжымы білім беру және ғылыми қызметті жетілдіру, оқу орнының позициясын нығайту және оның одан әрі дамуына негіз қалыптастыру бағытында ауқымды жұмыстар атқарды.

Бүгінде жаңа басшының алдында білім беру үдерісін одан әрі жетілдіру, ғылыми-зерттеу қызметін кеңейту, академиялық және кәсіби серіктестермен байланысты нығайту және университеттің бәсекеге қабілеттілігін арттыру міндеттері тұр.

Студенттер мен оқытушыларға арналған инновациялық мүмкіндіктерге – академиялық ұтқырлыққа, ғылыми бастамаларға, кәсіби дамуға және заманауи білім беру жобаларына қатысуға ерекше назар аударылады.

Басқарма төрағасы – ректорды таныстыру рәсімі Сәрсен Аманжолов атындағы Шығыс Қазақстан университетінің өңірдің білім беру және ғылыми кеңістігіндегі позициясын нығайтуға бағытталған жаңа жоспарлар мен бастамаларды жүзеге асырудың бастауына айналды.

Сәрсен Аманжолов атындағы Шығыс Қазақстан университетінің ұжымы Гүлжан Сағидуллақызы Джарасоваға қызметінде табыс, алға қойылған міндеттерді тиімді жүзеге асыруды және студенттер, оқытушылар, университет пен Шығыс Қазақстан облысының игілігі жолында жаңа жетістіктер тілейді.