АМАНЖОЛОВ УНИВЕРСИТЕТІНДЕ КЕЗЕКТІ ЖОСПАРЛЫ КЕҢЕС ӨТТІ

Сәрсен Аманжолов атындағы Шығыс Қазақстан университетінде проректорлардың, жоғары мектеп декандары мен құрылымдық бөлімше басшыларының қатысуымен кезекті жоспарлы кеңес өтті.

Кеңес барысында университеттің оқу-әдістемелік және ұйымдастырушылық жұмысының сапасын арттыруға қатысты өзекті мәселелер қарастырылды. Білім беру үдерісін жетілдіру, бөлімшелер арасындағы ішкі өзара байланыстың тиімділігін күшейту, сондай-ақ жоғары оқу орнының стратегиялық даму аясында қойылған міндеттердің орындалуына ерекше назар аударылды. Талқылау қорытындысы бойынша жауапты тұлғаларға нақты тапсырмалар берілді.

Сонымен қатар, алқалы жиын аясында университет ұжымы Персоналды басқару және құқықтық қолдау басқармасының маманы Карлыгаш Рахимовнаны туған күнімен құттықтады.

Университет басшылығы әріптесіне жоғары кәсібилігі, адал еңбегі және университеттің кадрлық саясаты мен құқықтық сүйемелдеу жүйесінің дамуына қосқан елеулі үлесі үшін алғыс білдірді.

Сәрсен Аманжолов атындағы Шығыс Қазақстан университетінің ұжымы Карлыгаш Рахимовнаға зор денсаулық, отбасылық амандық, сарқылмас қуат және кәсіби қызметінде толағай табыс тіледі.