БИЗНЕС ЖӘНЕ ҚҰҚЫҚ ЖОҒАРЫ МЕКТЕБІ БІРІНШІ КУРС СТУДЕНТТЕРІМЕН ТАНЫСТЫРУ КЕЗДЕСУІН ӨТКІЗДІ!

2026 жылғы 27 тамызда Amanzholov University-де Бизнес және құқық жоғары мектебінің бірінші курс студенттерімен жоғары мектеп өкілдері және кафедралардың профессор-оқытушылар құрамы арасында таныстыру кездесуі өтті.

Биыл Бизнес және құқық жоғары мектебіне 193 бірінші курс студенті қабылданды. Кездесу студенттер үшін университет ортасымен, білім беру процесінің ерекшеліктерімен және оқу қызметін ұйымдастыру ережелерімен алғашқы маңызды танысу алаңына айналды.

Бірінші курс студенттерінің алдында Бизнес және құқық жоғары мектебі деканының орынбасары Айгүл Слямғалиевна Асубаева, Құқықтану кафедрасының меңгерушісі Лайла Құмарбекқызы Сәдуақасова, Экономика, қаржы және менеджмент кафедрасының қауымдастырылған профессоры Ғайни Қасымқызы Қойшинова, Құқықтану кафедрасының сеньор-лекторы Самал Дәулетқызы Дүйсембаева, Құқықтану кафедрасының қауымдастырылған профессоры Айнұр Серікханқызы Рамазанова, сондай-ақ қауымдастырылған профессор, заң ғылымдарының кандидаты Марианна Ивановна Дячук сөз сөйледі.

Кездесу барысында бірінші курс студенттеріне оқу-тәрбие жұмысы туралы ақпарат беріліп, білім беру процесі мен студенттік өмірге қатысты негізгі ережелер мен талаптар түсіндірілді.

Студенттердің оқу басталған алғашқы күндерден-ақ кездесетін практикалық мәселелеріне ерекше назар аударылды. Бірінші курс студенттері Platonus электрондық білім беру жүйесімен таныстырылып, оның негізгі мүмкіндіктері мен оқу процесінде пайдалану тәртібі түсіндірілді.

Кездесудің маңызды бөлігі бірінші курс студенттерінің бейімделу мәселелерін талқылауға арналды. Студенттерге ұйымдастырушылық және оқу мәселелері бойынша кімге жүгінуге болатыны түсіндіріліп, дербестік, жауапкершілік және белгіленген талаптарды сақтаудың маңыздылығы атап өтілді.

Мұндай кездесулер бірінші курс студенттеріне алғашқы күннен қажетті ақпарат алып, университет жүйесінде дұрыс бағдарлануға және оқудың жаңа кезеңіне тезірек бейімделуге мүмкіндік береді.

Amanzholov University жаңа студенттерге оқу жылын сәтті бастап, жоғары нәтижелерге қол жеткізіп, жарқын студенттік өмір сүрулеріне тілектестік білдіреді!