Қазақ, орыс филологиясы және журналистика кафедрасы

Қазақ, орыс филологиясы және журналистика кафедрасы 6В01701 – Қазақ тілі мен әдебиеті, 6В01704 – Қазақ тілінде оқытпайтын мектептердегі қазақ тілі мен әдебиеті, 6В01702 – Орыс тілі мен әдебиеті, 6В01705 – Орыс тілінде оқытпайтын мектептердегі орыс тілі мен әдебиеті мұғалімдерін даярлау,  6В03201 – Журналистика мамандарын даярлау, 7М01701 – Қазақ тілі мен әдебиеті, 7М01702 – Орыс тілі мен әдебиеті педагогтарын даярлау, 8D01701 – Қазақ тілі мен әдебиеті білім беру бағдарламалары бойынша жоғары білім берудің кәсіптік білім беру бағдарламаларын жүзеге асырады.

Білім беру бағдарламалары қазіргі білім беру мазмұнының контекстінде кәсіби педагогикалық қызметтің инновациялық әдістемелерін, филологиялық және педагогикалық салалардағы заманауи ақпараттық технологияларды меңгерген, қазіргі әлемде бәсекеге қабілетті мамандарды дайындауға бағытталған.

Кафедрада жоғары кәсіби профессорлық-оқытушылар құрамы, «Қазақ әдебиетінің өзекті мәселелері: абайтану және Әуезов» (ф.ғ.д., профессор Картаева А.М), «Ономастиканың аймақтық мәселелері» (ф.ғ.д., қауымд.профессор Әлімхан А.Ә) ғылыми мектептері, «Абайтану» ғылыми-зерттеу институты, Свече қ. (Польша) университетінде Абай орталығы бар.

Аймақтық еңбек нарығында білім беру бағдарламаларының түлектері жоғары сұранысқа ие. Серіктес-жұмыс берушілермен бірге ынтымақтастықта жұмыс істейді.

Кафедра базасында мамандардың біліктілігін арттыру және оларды қайта даярлау жөніндегі семинарлар өткізіліп, кәсіби-педагогикалық және шығармашылық бағыттар бойынша ғылыми жұмыстар жүргізілуде, кафедра оқытушылары мен студенттері ғылыми жұмыстарының жинақтары шығуда. 

С.Аманжолов, З.Ахметов, Қ.Бітібаева, Д.Әшімханов атындағы арнайы мамандандырылған кабинеттер, «Абай» дәрісханасы және №5 оқу ғимаратында «Журналистика» мамандығына арналған «ALTAI JASTARY» медиаорталығы бар.

Орта мектептер мен колледж жанынан ашылған кафедра филиалдары бар. Дуалды оқыту бағдарламасы негізінде студенттер ДБА Жамбыл атындағы мектеп-гимназиясында, №3, №34, №47 орта мектептерде және облыстық «Дидар», «Рудный Алтай», «Менің өлкем»  газеттерінде өндірісте оқиды.

Кафедраның құрамында 33 профессор-оқытушы жұмыс істейді. 1 ғылым докторы, 15 ғылым кандидаты, 17 ғылым магистрі бар.