УНИВЕРСИТЕТ – ПРАКТИКА АЛАҢЫ: СТУДЕНТТЕР БОС-ТРЕНИНГТІ СЫНАП КӨРДІ

Психология және коррекциялық педагогика кафедрасының студенттері аппараттық психодиагностика мен психокоррекция негіздерін меңгеруде.

«Клиникалық психология», «Арнайы педагогика», «Эргопедагогика (эрготерапия, эргореабилитация бағыты)» білім беру бағдарламаларының бірінші курс студенттері 2026 жылдың сәуір айында өткен «Нейропсихология: теория және практика» атты көктемгі үйірме отырыстарына қатысты. Смаилова Жанар Өтегенқызының жетекшілігімен білім алушылар аппараттық психодиагностика және психокоррекция зертханасымен, оның техникалық жабдықтарымен (электроэнцефалограф, БОС-ЭЭГ аппараты, полиграф), сондай-ақ бұл құрылғыларды клиенттермен жұмыс барысында қолдану ерекшеліктерімен танысты.

Сабақтардың практикалық бөлімі студенттердің ерекше қызығушылығын тудырды. Олар БОС-ЭЭГ аппаратының жұмысын өз бетінше сынап көру мүмкіндігіне ие болды. Датчиктерді басқа орнату арқылы құрылғы нақты уақыт режимінде ми қызметінің ырғақтарын экранда көрсетеді. БОС-тренинг барысында студенттер нейробиобасқару технологияларымен танысып, өзін-өзі реттеу, зейінді шоғырландыру және психоэмоционалдық күйзелісті төмендету тәсілдерін меңгерді. Сонымен қатар, интерактивті форматтағы ойын және жаттығу протоколдары арқылы өздерінің функционалдық күйлерін басқару дағдыларын дамытты.

Мұндай отырыстардың білім беру тұрғысынан маңызы зор. Олар студенттерге алғашқы курстан бастап кәсіби ортаға енуге, клиникалық және аналитикалық ойлау қабілеттерін қалыптастыруға, сондай-ақ ғылыми-зерттеу қызметіне қызығушылықты арттыруға мүмкіндік береді. Болашақ клиникалық психологтар, арнайы педагогтар мен эргопедагогтар үшін бұл нейропсихологияның практикалық мәнін терең түсінуге, талдау дағдыларын жетілдіруге және пәнаралық өзара әрекеттестікті дамытуға жол ашады.

Үйірме жұмысына қатысу ерте кәсіби бағдарды қалыптастырып, таңдаған мамандықты игеруге деген мотивацияны арттырады.